Bí ag faire amach freisin dár n-aíonna rialta a bhíonn linn gach seachtain agus iad ag insint dhúinn faoi na scannáin is deireanaí le Loretta, an ceoil is coitianta le Méabh, cúrsaí spóirt le Donal agus rudaí neamhghnácha eile a bhíonn ag tarlú ar fud na tíre le Muireann.

Chomh maith leis sin, is breá linn ceol a bheith ar an gclár agus chuige sin bíonn ceoltóirí agus bannaí againn gach tráthnóna Dé hAoine. Go dtí seo i mbliana bhí leithéidí The Coronas againn, Paddy Casey, Mick Flannery, R.S.A.G, Breakdown Rambler, MC Muipéid agus Jimmy Penguin, Fight Like Apes, Messiah J and The Expert, Dark Room Notes, Halfset, Padraig Rushe agus go leor eile.
Má tá tusa i mbanna ceoil agus gur mhaith leat a bheith ar an gclár níl le déanamh ach teagmháil a dhéanamh linn. Seol téacs leis na sonraí ar fad chuig 51844 nó ríomhphost chuig sile@tg4.ie.

Nó, má tá aon rud suimiúil ag tarlú i do cheantar fhéin agus gur mhaith leat go mbeadh a fhios againn faoi, bí i dteagmháil linn. Níl le déanamh ach téacs a sheoladh chuig 51844 nó ríomhphost a chur chuig sile@tg4.ie.