IMEALL LE CORMAC DE BARRA

Clár ealíne a thabharfaidh léargas géarchúiseach seachtainiúil ar shaol na n-ealaíon agus an chultúir. Faoi mar is dual don ealaíon féin, beidh an clár seo nuálach, bríomhar, spleodrach.

Aon áit a mbíonn lucht ealaíne bailithe le chéile, beidh ceamaraí Imeall ann freisin. Is ó bhéal an ealaíontóra féin a chloisfimid scéal a gceird agus a bpaisean don rud atá ar bun acu - leithéidí Mhuireann Nic Amhlaoibh, Fhergal Mhic Cárthaigh, Shinéad Ní Mhaonaigh, Fhearghuis Uí Chonchúir, Ceara Nic Chon Midhe.

Anuas ar na tuairiscí sin, beidh an láithreoir rialta, Cormac de Barra sa stiúideo agus é i mbun agallaimh agus anailíse ar imeachtaí ealaíne. Beidh mír cheoil i ngach eagrán leis ina dtabharfar ardán do thallann nua mar aon le deis a thabhairt d'oirfidigh aitheanta.

Más mian leat a bheith i lár an aonaigh le do chuid eolais ar shaol na n-ealaíon in Éirinn - féach ar an Imeall

Bigí i dTeagmháil: imeall@tg4.ie ... Maggie nó Niamh @ 01-669 9998

Gach Céadaoin @ 23:05 / Athchraolta Dé Domhnaigh @ 00:30