Is é TG4 BEO an tairseach Gréasáin Leathanbhanda isteach chuig cláracha an chainéil. Cuireann sé an t-ábhar craolta ar fáil ar fud an domhain go comhuaineach leis an gcraoladh teilifíse in Éirinn. Sa mbreis air sin tá fáil agat ar chartlann den chuid is fearr den ábhar a craoladh le mí anuas sna réimsí uile clár.

Baineann daoine taobh amuigh d’Éirinn nó daoine nach bhfuil i gcóngar do theilifíseán tairbhe ar leith as an mbeosoláthar ar TG4 BEO. Tá formhór an ábhair ar fáil go comhuaineach, césmóite den ábhar nach bhfuil cearta domhanda faighte ag TG4 air (roinnt imeachtaí spóirt agus sraitheanna agus scannáin den chuid is mó). Seo ábhar atá srianta d’Éirinn agus tá dualgas ar TG4 a chinntiú go bhfuil sé blocáilte ar úsáideoirí taobh amuigh d’Éirinn.

Is féidir Cartlann TG4 a aimsiú ar an taobh clé den leathanach baile do TG4 BEO. Gheobhaidh tú ansin rogha fairsing den ábhar Gaeilge a chraol TG4 le mí anuas, rangaithe de réir aicme clár agus in ord ama, siar ón lá inné. Tig féachaint ar chlár ón gCartlann seo chomh minic agus is mian leat ar feadh na 35 lá agus bíonn foithedil Bhéarla ar taispeáint ar go leor den ábhar.