Cuirfear tús leis an dara sraith FEIRM FACTOR, 10 gclár ar TG4 ar an Déardaoin 14 Eanáir 2010.
Craoladh an chéad shraith bliain ó shin, sraith nuálaíoch inar cuireadh dáréag feirmeoir ó chúlraí éagsúla in iomaíocht le chéile féachaint cé aige/aici a bhí an raon scileanna, acmhainn ghnó agus seasmhacht choirp agus intinne chun an duais mhór a bhuachan.
Is í Maura Derrane an láithreoir agus tig léi a bheith báúil nó dian de réir mar a oireann don ócáid. Is iad Alan Dukes, iar Aire Talmhaíochta agus eacnamaí agus Seán Ó Lionáird, feirmeoir as Corcaigh, na moltóirí.
GERARD NEEDHAM
Feirmeoir mairteola 31 bliain d'aois as Cathair na Mart (logainm thar a bheith oiriúnach). Tá céim ollscoile san innealtóireacht mheicniúil aige agus bhunaigh sé gnó den chineál sin a bhfuil ag éirí go maith leis. Creideann sé go láidir gur próiseas nuálaíoch í an fheirmeoireacht. Beidh a dheis aige sin a chruthú sa tsraith seo.
