ÁINE SEOIGE
Is bean 30 bliain d'aois í Áine. Tá sí dathúil agus is amhránaí álainn í.
D'fhág Áine an scoil nuair a bhí sí 16 agus tá sí ag obair i dtithe ósta agus i mbialanna, i nGaillimh agus i mBaile Átha Cliath, riamh ó shin. Níl sí socraithe síos mar go gcreideann sí go bhfuil sí i bhfad ró-óg dó sin fós. Bíonn sí ag fánaíocht ó phost go post.
Is maith léi a bheith ag obair sa Tobar agus d'fhéadfadh sé fiú amháin go bhfuil suim neamhchúiseach aici ina bainisteoir Alastair. Chuala Alastair ag gabháil fhoinn í ag cóisir i nGaillimh agus thairg sé post di sa Tobar ar an tuiscint go gcasfadh sí cúpla amhrán dá n-iarrfaí a leithéid uirthi.
clip - t-aine.mp4 - 0.8 MB - Íoslódáil
Breathnaíonn sé go gceapann Alastair scaití gur club snagcheoil i lár Manhattan atá faoina chúram agus ní beár/bialann in Iarthar na hÉireann.
Bhí caidreamh fánach ag Áine le Seán agus thug sé le tuiscint di go raibh sé chun Nuala a fhágáil le bheith in éindí léi. Mar a tharlaíonn go rímhinic áfach, níor comhlíonadh an gealltanas sin.
Cé go bhfuil Seán fós tógtha le hÁine, tá sí in amhras faoi. Gortaíodh agus náiríodh go dona í nuair a tháinig an scéala amach faoina gcaidreamh.
