AMHRÁIN IS ANSA LIOM - TREASA NÍ MHIOLLÁIN
- AMHRÁIN IS ANSA LIOM
- SARAH GHRIALLAIS
- PÁIDÍ MAC GEARAILT
- GEARÓIDÍN BHREATHNACH
- JOHNNY MHÁIRTÍN LEARAÍ
- MÁIRE NÍ CHÉILEACHAIR
- ÉAMON Ó DONNCHADHA
- ÁINE UÍ CHEALLAIGH
- JOSIE SHEÁIN JEAIC
- EILÍS NÍ CHINNÉIDE
- MÁIRTÍN TOM SHEÁINÍN
- CORMAC Ó hAODHA
- TREASA NÍ MHIOLLÁIN
- SEÁN MAC CRAITH
- MÁIRE NÍ CHOILM
- MÁIRTÍN MAC DONNCHADHA
- CAITLÍN NÍ CHUALÁIN
- EILÍS NÍ SHÚILLEABHÁIN
- ÉAMONN Ó BRÓITHE
- LIAM Ó DÚGÁIN
- MICHEÁL SEOIGHE
- TG4 BEO PLAYER
TREASA NÍ MHIOLLÁIN
Buailfimid le amhránaithe sean-nóis a labhróidh le Antaine Ó Faracháin faoi na hamhráin is fearr leo, faoin áit a bhfuaireadar iad agus an fáth go dtaitníonn siad leo.
Is í Treasa Ní Mhiolláin a bheidh ar chlár na seachtaine seo.
Labhraíonn Treasa le Antaine faoin a suim sna hamhráin agus faoi na hamhráin is fearr léi...
1. Dónall Óg
2. Cúirt Bhaile Nua
3. An Abhainn Mhór
4. An Spailpín Fánach
AN ABHAINN MHÓR
Céad slán don Abhainn Mhór, sé mo bhrón gan mé anocht lena taobh
'gus a liachtaí sin bóithrín caol uaigneach ag dul idir mé is í,
Ins an áit a mbíodh spóirt ag an aos óg is pastime na hoíche.
Bhíodh an jug ar an mbord ann is mo stóirín fial fairsing dhá roinnt.
Murach m'óige agus dícéille 's deas aerach mar a chaithfinnse mo shaol
Nó gur éalaíos thar sáile le Máire ar uair an mheán oíche.
Nuair a ghreamaíos den Bhúrcach a diúltaíodh i gcathair na naomh
Sé a d'fhágadh ar fán mé 's gan fhios 'am cá gcodlóinn an oíche.
Chúns bhéas mé beo in Éirinn ní thréigfidh mé imirt ná ól
Chúns bhéas mé beo in Éirinn ní thréigfidh mé tréartha ban óg
Chúns bhéas mé beo in Éirinn ó pléascfaidh mé an jug ar an mbord
'S céad slán duit a mhíle stóirín is cé déarfadh nach liomsa thú fós.
Tá mo mháithrín go haonraic léi fhéin i gCaladh na mBád
Ag osnaíl 's ag éagaoin ó oíche go lá
Tá a comrádaí sínte i gCill Bhríde 'gus leac ar a cheann
'S tá a mac ar fud na tíre ag imeacht is ag ealaín le mná.
