BRÍD THOMÁIS MHURCHADHA

Is a Bhideach na gcarad tuig feasta nach súgradh é,
Ó thug mo chroí gean duit ar a mhalairt ná diúltaigh mé,
Do chúilín deas triopallach a bhí fite ina thrilseán óir,
Is an té a bheadh gan amharc nach a dtabharfá soilse dhó.

Is a Bhríd Thomáis Mhurchadha ó beirimse an barr leat fhéin
Ar fhinne, ar bhinne, ar dheise 'gus áille méin
Do chúilín deas triopallach a bhí fite ina thrilseán óir
Is an té a bheadh gan amharc nach dtabharfá soilse dhó.

Is rachaidh go Gaillimh nó go gceannóidh mé gáirdín úll,
Agus loingeas ar farraige le haghaidh ' bheith ag déanamh spóirt.
Is ar fhilliúint ó Shligeach dom agus leide beag a fháil den chóir,
Ní chónód faoi bhealach nó go mblaisfinn de phóg mo stór.

'S má bhí mise folamh, dar m'fhocal gur mhór an scéal,
Is a liachtaí bean deas a thug taitneamh do ghlór mo bhéil.
Is dhá mbeadh sé ag cur sheaca, a' cur shneachta ins 'chuile cheard den spéir,
Ach tusa ' bheith i m'aice, is ní aireoinnse buaireamh an tsaoil.